FNTI nahò:ten yakwaNYÉN:TE

Tayakwataterihónnyen nahò:ten yonkwarihwayenterhá:'on, Onkwehón:we raonateryen'tarà:tshera nityawé:non, ne káti ayoyaneráhsten tsi nihoti'nikonhra'shátste ne ronteweyénhstha táhnon raotinakerahsera'shón:'a.
 

FNTI NAHò:ten teyakwaká:nere

Ronata'karí:te, ronatkanón:ni táhnon tehatihwihshátste ronteweyénhstha táhnon kanakerahsera'shón:'a teyottényon tsi ní:yoht tsi ratiweyentéhta's né:ne Onkwehón:we raonateryen'tarà:tshera nontakarihwahserón:ni.

onkwaká:ra

FNTI ne Onkwehón:we raoná:wen táhnon thonnónhtons ronatehyà:ron yonteweyenhstáhkwa, 1985 shiyohserò:ten tontáhsawen tsi teyonkwarihwayenawà:kon ne Kenhtè:ke Ratitsyénhayens, FNTI Ratiya'takwe'ní:yo Kentyóhkwa, Indian & Northern Affairs Canada, táhnon ne Ontario Ministry of Education & Training ne káti ayethiyate'shennayén:ni ronatehyà:ron ahontéweyenhste ne Onkwehón:we.

Sénha niyá:kon ne 2000 ronteweyénhstha ronatohétston ne FNTI raoná:wen naho'ténhson yonteweyenhstáhkwa tsi náhe tontáhsawen.