HomeEmailContact FacebookTwitterYoutubeLinkedIn

View Page In:

FIRST NATIONS TECHNICAL INSTITUTE

Rotirenhá:'on Tehatiyéhstha ne Onkwehonwehnéha Raonateryen'tarà:tshera táhnon Ronatehyà:ron Yonteweyenhstáhkwa Tsi Ní:yoht Tsi Enhatiweyentéhta'ne

87% Success RateFirst Nations Technical Institute (FNTI) Onkwehón:we raoná:wen táhnon thonnónhtons tsi yonteweyenhstáhkwa né:ne rotirenhá:'on tsi róntstha ne Onkwehonwehnéha raonateryen'tarà:tshera ahshakotirihónnyen tetsyá:ron yonteweyenhstáhkwakon táhnon ka'ok nón:we. É:so ní:kon nahò:ten yethirihonnyén:ni táhnon yethiya'takéhnhas ohwentsyakwé:kon ne Kanyatarí:yo.

Ne sénha ne 30 niyohserá:ke, FNTI yorihowá:nen tsi rotiyó'te ne akáhsthake enwá:ton nahò:ten enhontéweyenhste onkwehón:we ronteweyénhstha táhnon kanakerahsera'shón:'a. Skátne tetewayé:nas ne teyonkwarihwayenawà:kon ayakwarihwahserón:ni á:se ní:yoht enwá:ton ahontéweyenhste táhnon á:se nonwéhseron. Tsi nahò:ten yethirihonnyén:ni teyonkwarihwayenawà:kon ne yonteweyenhstáhkwa táhnon yonteweyenhstahkwa'kó:wa táhnon yonkhiyenteré:'on ne Ontario Ministry of Training, Colleges and Universities kentyóhkwa.

FNTI yonkhihyatonhserá:wi ne World Indigenous Nations Higher Education Consortium (WINHEC), táhnon yakwatyà:tare ne Colleged and Institutes Canada (CICan).

NAHÒ:TEN TEYAKWAKÁ:NERE Ronata'karí:te, ronatkanón:ni táhnon tehatihwihshátste ronteweyénhstha táhnon kanakerahsera'shón:'a teyottényon tsi ní:yoht tsi ratiweyentéhta's né:ne Onkwehón:we raonateryen'tarà:tshera nontakarihwahserón:ni.

NAHÒ:TEN YAKWANYÉN:TE Tayakwataterihónnyen nahò:ten yonkwarihwayenterhá:'on, Onkwehón:we raonateryen'tarà:tshera nityawé:non, ne káti ayoyaneráhsten tsi nihoti'nikonhra'shátste ne ronteweyénhstha táhnon raotinakerahsera'shón:'a.

First Nations Technical Institute