ᐃᓂᓂᐧᐊᐠ ᑲ ᐱᑦᐸᓂᐧᑕᒋᐠ ᑭᐢᑭᓄᐊᒪᑫᐧᐃᓂᓂᐤ ᐅᑭᐢᑭᓄᐊᒪᑐᐧᐃᑲᒥᑯᐧᐊᐠ
ᑲ ᑲᐡᑭᐅᒋᐠ ᐊᐧᐁᓂᑲᓇᐠ ᑲᑕ ᑲᐡᑭᑕᐧᐊᐠ ᑭᒋ ᐱᑐᐧᑫᓯᓇᐅᑎᓱᒋᐠ ᑭᒋ ᐧᐃᑕᑭᐠ ᑲ ᐃᔑ ᑲᐡᑭᐅᒋᐠ ᑲ ᑭ ᐃᔑ ᑲᐡᑭᑕᒋᐠ ᐁ ᑭᐢᑭᓄᐊᒪᓱᒋᐠ
ᐅᒪ ᑭᐢᑭᓄᐊᒪᑐᐧᐃᑲᒥᐠ ᐃᓂᓂᐧᐊᐠ ᑎᐯᓂᑕᐧᒪᐠ ᐅᒣᓂᐤ ᐧᐃᓇᐊᐤ ᑲᓇᐧᐊᐸᑕᐧᒪᐠ ᑲ ᐃᔑ ᐊᑎ ᑲᐡᑭᑕᒪᓱᓂᒋ ᐅᑭᐢᑭᓄᐊᒪᓱᐧᐊ ᓀᐢᑕ ᑲ ᐃᔑ ᑲᐡᑭᐅᓂᒋ᙮ ᓇᓇᑲᐤ ᐃᔑᓇᐧᑲᐧᓇ ᓂᑭᐢᑭᓂᐊᒪᑫᐧᐃᓂᓇᓇ ᐅᑕ ᑲᐸᑭᑎᓇᒪᐠ ᐅᐣᑌᕆᐅᐠ᙮
ᐊᐧᐊᓯᑌ 30 ᐱᐳᐧᓇ ᐊᔕᔾ ᐅᒋ ᐃᑕᐧᑲᐣ ᐅᒪ ᑭᐢᑭᓄᐊᒪᑐᐧᐃᑲᒥᑯᓇᐣ ᒥᓯᐧᐁ ᐊᐣᑌ ᓇᓇᑲᐤ ᐃᓂᓂᐧᐊᐢᑭᔭ ᑲ ᐃᔑ ᐃᑕᐧᑲᑭ ᐸᐸᑭᑎᓀᓇᐣ ᐅᐅ ᑭᐢᑭᓄᐊᒪᑫᐧᐃᓂᓇᓇ᙮ ᐁᐧᐃᒋ ᐊᐸᑎᓯᒪᑭᒋᐠ ᑲ ᐱᑦᐸᓂᐧᑕᒋᐠ ᑭᐢᑭᓂᐊᒪᑫᐧᐃᓇ ᓀᐢᑕ ᐁᐧᐃᐧᐃᒋᐃᑐᔭᐠ ᑫᐧᑲᓇ ᑲ ᐃᔑ ᓇᓄᑌᐸᓂᐃᑯᔭᐠ ᐅᑲᐡᑭᐅᐧᐃᓂᐧᐊᐧᐊ ᒪᑲ ᐁᐅᒋᐢᑕᒧᔭᒥᒋᐠ᙮ ᐅᑕ ᐅᐣᑌᕆᐅ ᐊᐢᑭᐠ ᑲ ᐃᔑ ᑭᐢᑌᓂᑕᑭᐠ ᑲ ᐱᑦᐸᓂᐧᑕᒋ ᐃᐢᑯᓚ ᐧᐊᐸᑕᐧᒪᐠ ᑲ ᐃᔑ ᑲᐡᑭᐅᒪᑲᓂᓂᑭ ᑭᐢᑭᓄᐊᒪᑫᐧᐃᓇ᙮
ᐅᒪ ᑭᐢᑭᓄᐊᒪᑐᐧᐃᑲᒥᐠ ᐃᐡᐸᑭᒋᑲᑌᐤ ᐅᑕ ᑲᓇᒪᑕᐢᑭᐠ ᒥᓯᐧᐁ ᐃᐡᐱᒥᐠ ᐃᔑ ᑲᓇᐧᐊᐸᒋᑲᑌᐧᐊ ᐅᐅ ᓂᑭᐢᑭᓄᐊᒪᑫᐧᐃᓂᓇᓇ᙮
ᑲ ᐃᔑ ᑲᓇᐧᐊᐸᑕᒪᐠ ᒪᓇ ᓂᑲᐣ ᐃᔑ ᐁᐸᑯᓭᓂᒧᔭᐠ ᐃᓂᓂᐧᐊᐠ ᑲ ᑭᐢᑭᓄᐊᒪᓱᒋᐠ ᑭᒋ ᑭ ᐊᔭᒋᐠ ᑲᑫᐧᑕᐁᓂᑕᒧᐧᐃ ᑭᐢᑫᓂᑕᒧᐧᐃᓇ ᑭᒋ ᑭ ᐧᐃᒋᐃᑯᒋᐠ ᑲ ᐃᔑ ᑕᔑᑫᒋᐠ ᐅᑎᑕᐧᐃᓂᐧᐊᐠ ᑲ ᐃᔑ ᑭᐢᑫᓂᑕᑭᐠ᙮
