Kaya'takehnhà:skon táhnon yorihwató:ken ne tsi ní:yoht ahonwatirihónnyen

YORIHWATÓ:KEN

FNTI shakotirihonnyén:ni ohwentsyakwé:kon ne Kanyatarí:yo –- Onkwehonwehnéhshon, kanatowá:nens, kanatíhens táhnon sénha nikanatà:sas.

WATERIHOKERÍKHON TSI SHAKOTIRIHONNYÉN:NI

FNTI waterihokeríkhon tsi shakotirihonnyén:ni ne ronatehyà:ron yonteweyenhstáhkwa. Ronteweyénhstha yonaktótha tsi niwén:tehs ne sewén:ta (5 niwenhniserá:ke) niya'tewenhnì:take, tóka'ni tewenhni'takéhshon, tsi niyóhseres nó:nen ronteweyenhstà:nes.

TSI NIYONKWARIHÒ:TEN TYO'NIKONHRATIHÉNTHON

FNTI nón:we, tsyeya'tátshon yonteweyénhstha enyakoya'takehnha'tsherayén:ta'ne ne káti akarihwahní:rate tsi entyakoyaneráhsten. Ká:'ok nón:we ronwatihnhá:'on ne Ronteweyénhstha Rotiyanerahstén:ni Shakotihretsyá:rons ne káti ahshakotiyé:nawa'se ne ronteweyénhstha tsi nihotihahè:sons. Niyonkwarihò:ten Shakotiya'takéhnhas (Rotikstén:ha) yehonnéhtha tsi yonteweyenhstáhkwa skátne ronteweyénhstha ne káti ahshakoti'nikonhrayentáhsten tsi niyonkwarihò:ten, ahatiweyentéhta'ne táhnon ahshakotiya'takéhnha.

SHAKOTIHWISTANÍHAS – Yonteweyénhstha kakaró:ton, teyontawénryes táhnon tsi yonnonhwétstha kakaró:ton enwá:ton tóhkara niyohtányon ayakohwistayén:ta'ne, tsi ní:yoht ne: • Ateweyenhstà:tshera Tsi Thotiyo'ténhstha né:ne tsi nón:we nityakawé:non ne yonteweyénhstha • Local Delivery Mechanisms • Ontario Student Assistance Program (OSAP) • ronteweyénhstha shakotihwistá:wis ne ahotiyaneráhsten. Enwá:ton ronteweyénhstha ahotihwistayén:ta'ne tóka' ahontenà:ton tsi tehonatonhwentsyó:ni táhnon tsi eh nihoti'nikonhrayé:raton ne nahò:ten ronteweyénhstha. Enwá:ton akwayé:nawa'se ahshwistí:sake né:ne entkayé:ri'ne!