HomeEmailContact FacebookTwitterYoutubeLinkedIn

View Page In:

BOARD OF DIRECTORS

ᐧᕋᑊ ᐸᐧᑲᐣᐟ ᑌᑕᐳᐧᐃᓂᑭᒪᐤ ᐊᐧᐊ ᓇᐯᐤ ᐅᓇᔓᐧᐁᐧᐃᓂᓂᐤ ᐊᔭᐤ ᐁ ᑭ ᑭᐢᑭᓄᐊᒪᓱᐟ ᐃᐡᐸᑭᓯᐤ ᑲ ᐃᓇᐸᑎᓯᐟ ᐅᑲᐡᑭᐅᐧᐃᓂᐠ ᑭᐊᐸᑎᓯᐤ ᑕᔑᓀ ᐊᔕᔾ ᒪᑲ ᑭ ᑭᐱᒋᐤ 2009 ᑲᐱᐳᓇᑲᓂᐠ᙮

ᒉᓂᐳᕐ ᓂᐱᐣ ᑲ ᐅᒋ ᓴᒥᐡᑲᐧᐊᐟ ᑌᑕᐳᐧᐃᓂᑭᒪᐧᐊ ᐊᔕᔾ ᐅᒪ ᑕᑐ ᐱᐳᐣ ᐊᐸᑎᓯᐤᒥᑕᑎᑐ ᐱᐳᐧᓇ ᐁᐧᐊᐧᐃᒋᐧᑕᐟ ᐅᑕ ᑲ ᐃᔑ ᑭᐢᑭᓄᐊᒪᑲᓂᐧᐊᓂᓂᐠ᙮ ᐅᑲᐧᐃᔭ ᒍᐣ ᐸᐧᔐᐣᐟ ᑭᔑᓂᑲᓱᓂᐧᐊ ᐅᑲᐧᐃᔭ ᑲ ᑭ ᑭᒋᑕᓂᒋ ᐯᔭᐠ ᑭᐢᑭᓄᐊᒪᑐᐧᐃᑲᒥᑯᓂᐤ ᐁ ᐃᐡᐧᑫᔑᔑᐧᐃᐟ ᐧᐃᐸᐨ ᑭ ᑭᐢᑭᓄᐊᒪᓱᐤ᙮ ᑕᔑᓀ ᑭ ᐊᓂᒧᑕᑦ ᑭᐢᑭᓄᐊᒪᑫᐧᐃᓂᓂᐤ᙮ ᓂᔓ ᑭᐊᔭᐧᐁᐤ ᐊᐧᐊᔑᔕ

ᓇᓇᑲᐤ ᑭ ᐊᔭᐤ ᐊᐸᑎᓯᐧᐃᓇ ᐊᐧᐊ ᐃᐢᐧᑫᐤ ᔓᓂᔭᓇ ᑲᓇᓇᑲᒋᐊᐟ ᓀᐢᑕ ᑭᑕᐸᑎᓯᐤ ᑲ ᐃᔑ ᒥᔕᓂᑭ ᐊᑐᐢᑫᐧᐃᑲᒥᑯᐠ ᔓᓂᔭᓂᑲᒥᑯᐠ᙮ ᐊᓄᐨ ᑭᔭᐱᐨ ᐧᐊᐧᐃᒋᐧᑕᐤ ᐁ ᑲ ᑫᐢᑭᒥᐧᐁᐟ ᐯᐡᑭᐡ ᐁᐧᐊᐧᐃᒋᐊᐟ ᐃᓂᓂᐧᐊ ᔕᑯᐨ ᐅᒪ ᐁ ᐃᔑ ᑲᐡᑭᐅᐟ᙮ ᓇᓇᑲᐤ ᑭᐢᑭᓄᐊᒪᑫᐧᐃᓇ ᑭ ᑲᐡᑭᑕᒪᓱᐤ ᐊᐧᐊ ᒉᓂᐳᕐ ᓀᑌ ᒪᓂᑐᐸ ᐁ ᑭ ᐃᔑ ᑭᐢᑭᓄᐊᒪᓱᐟ ᓇᓇᑲᐤ ᒪᑲ ᐊᐸᑎᓯᐧᐃᓇ ᑕᑯᓇᑦ ᓀᐢᑕ ᑭᐢᑭᓄᐊᒪᑫᐧᐃᓇ᙮

ᐧᐃᐣᐢᑎᐣ ᐸᐧᔐᐣᐟ ᑲᒪᓯᓇᐃᑫᐸᓂᐧᑕ/ᔓᓂᔭᓇ ᑲᓇᓇᑲᒋᐊᐟ᙮ ᐊᔕᔾ ᑭᐳᓂ ᐊᐸᑎᓯᐤ 25 ᐱᐳᐣᑭ ᑭᐧᐃᒋᐊᐸᑎᓯᒣᐤ ᑭᒋ ᐅᑭᒪᐧᐊ ᑲᑭᓇᐤ ᑎᐸᐢᑯᓂᑫᐧᐃ ᐊᐸᑎᓯᐧᐃᓂᐠ ᒧᐊᐠ ᐃᑕᐢᑲᓀᓯᐧᐃᓂᐠ ᐅᑕᐢᑲᓀᓯᐤ᙮

ᑫᔾᐟ ᐸᐧᕋᐣᐟ ᐅᑭᒪᐤ ᑕᔑᓀ ᑭᑐᑕᑦ ᒧᔑᔐ ᐁ ᐊᓂᒧᑕᐠ ᑭᐢᑭᓄᐊᒪᑫᐧᐃᓇ ᓀᐢᑕ ᐁ ᐧᐃᒋᐧᑕᐟ ᐃᑕᐢᑲᓀᓯᐧᐃᓂᐠ ᐃᑌᑫ᙮ ᑭ ᑭᔑᑕᐤ ᐁ ᑭ ᑭᐢᑭᓄᐊᒪᓱᐟ ᒥᓄᐱᒪᑎᓯᐧᐃ ᐊᑐᐢᑫᐧᐃᓂᐠ ᐃᔑ ᐊᓄᐨ ᒪᑲ ᑲᒪᒥᓄᒥᐧᐁᐟ ᐃᑕᐸᑎᓯᐤ ᐁᒧᔐ ᐊᐸᑎᓯᐟ᙮ ᑫᔾᐟ ᐃᓂᓂᐧᐊ ᐊᑐᐢᑫᐢᑕᐧᐁᐤ ᓇᐸᓂ ᐃᑕᐧᐃᓂᐠ ᒥᓄᐱᒪᑎᓯᐧᐃ ᐊᑐᐢᑫᐧᐃᓂᐠ ᐃᑌᑫ ᐁᑯᑕ ᐁᔑ ᐊᐸᑎᓯᑲᑕᐠ ᐃᑕᐢᑲᓀᓯᐧᐃᓇ ᑲᑭᓇᐤ ᐧᐁᒥᐢᑎᑯᔑᐠ ᓀᐢᑕ ᐃᑌᑫ ᓴᑭᑕᐤ ᑲᑐᑕᐠ᙮ ᐅᑯᒥᒪᐧᐊᐠ ᑲ ᐃᔑ ᒪᒪᐧᐊᐱᒋᐠ ᐁ ᐊᐸᑎᓯᒋᐠ ᓀᐢᑕ ᐃᔑ ᐧᐃᒋᐧᑕᐤ ᑭᐣᐠᐢᑕᐣ ᐃᑌᑫ ᓀᐢᑕ ᑕᐣᑕᓇᐃᑲ ᑭᐢᕃᓄᐊᒪᑫᐧᐃ ᐊᑐᐢᑫᐧᐃᓂᐠ ᓀᐢᑕ ᐯᐡᑭᐡ ᒥᓄᐱᒪᑎᓯᐧᐃ ᐊᑐᐢᑫᐧᐃᓂᐠ ᐁ ᐊᔑᒋᐟ᙮ ᒥᐧᓀᓂᑕᑦ ᓀᐢᑕ ᐁᒥᓇᐧᐁᐟ ᓇᓇᑲᐤ ᐁ ᐃᑎᑲᓴᐧᐁᐟ᙮

ᐧᑕᓇ ᐧᓚᑊᐟ ᐅᑭᒪᐤ ᒧᐊᐠ ᐅᑕᐢᑲᓀᓯᐤ ᐧᐃᓇ ᑲᐧᐊᐧᐃᒋᐊᐟ ᐅᐣᑌᕆᐅ ᐅᑭᒪᑲᓇ᙮ ᐧᐃᓇ ᒥᓯᐧᐁ ᐃᔑ ᐁᓂᓯᑐᑕᐠ ᑕᑐ ᑫᐧᑲᓇ ᑲᓇᑭᐡᑭᑲᑌᓂᑭ ᑕᑐ ᑭᔑᑲᐤ᙮ ᐧᐃᓇ ᓀᐢᑕ ᑲᑭᓇᓇᑲᒋᑕᐟ ᐧᐊᐢᑲᐃᑲᓂᐠ ᐃᑌᑫ᙮ ᐧᑕᓇ ᑕᔑᓀ ᑭᑐᑕᑦ ᒥᓯᐧᐁ ᑫᐧᑲᓂᐤ ᑭᒋ ᒥᓄᐸᓂᓂᐠ ᓀᐢᑕ ᐊᐧᐊᔑᔑᐧᐃ ᐊᑐᐢᑫᐧᐃᓂᐠ ᑭ ᐃᔑ ᐧᐊᐧᐃᒋᐧᑕᐤ ᐁᑭ ᐅᑭᒪᐧᐃᐟ ᐊᐣᑕ ᑲ ᐃᔑ ᐊᑐᐢᑲᒋᑲᑌᓂᐠ ᐅᒣᓂᐤ᙮ ᐧᐃᓇ ᒥᓯᐧᐁ ᐁ ᑭ ᐅᒋᐢᑕᒪᑫᐟ ᑫᐧᑲᓇ ᑲ ᑭ ᐊᑐᐢᑲᒋᑲᑌᓂᑭ ᐧᐊᐧᐊᐨ ᑭᒋ ᐊᑯᓯᐧᐃᓇ ᑲ ᐃᔑ ᓇᓇᑲᒋᑕᓂᐧᐊᓂᓂᑭ᙮

ᐧᑕᓇ ᑕᐧᐯ ᑭ ᑭᒋ ᐊᐸᑎᓯᐤ ᐁ ᑭ ᐊᔭᐟ ᓇᓇᑲᐤ ᑲᐡᑭᐅᐧᐃᓇ ᑎᐸᐢᑯᓂᑫᐧᐃ ᐊᑐᐢᑫᐧᐃᓂᐠ ᓀᐢᑕ ᑭ ᐃᔑ ᐊᐸᑎᓯᐤ᙮ ᑭᑐᒋᑲᑌᐸᐣ ᒥᑐᓂ ᐁᑭᓄᑯᑕᐧᐃᐟ ᐁ ᑭ ᑭᒋ ᓇᓇᐢᑯᒥᐟ ᒥᓯᐧᐁ ᑲ ᑭ ᐃᔑ ᐧᐃᒋᐧᑕᐟ ᓀᐢᑕ ᐁᑭᒥᓂᐟ ᑭᐢᑭᓄᐧᐊᒋᐃᑯᓯᐧᐃᓂᓂᐤ ᐊᐣᑌ ᑲ ᑭ ᐃᔑ ᐊᐸᑎᓯᐟ ᑭᐸᐅᑐᐧᐃᑲᒥᑯᐧᐃ ᐊᑐᐢᑫᐧᐃᓂᐠ᙮

ᑕᐠ ᑯᐧᕆᐣ

ᐊᐧᐊ ᓇᐯᐤ ᒧᐊᐠ ᐅᑕᐢᑲᓀᓯᐤ ᐯ ᐧᑫᐣᑎ ᐃᑌᑫ

ᓚᔭᓕᐢᐟ ᐧᑲᓕᐨ ᑭ ᐃᔑ ᑭᐢᑭᓄᐊᒪᓱᐤ ᐁᐣᒋᓂᔭᕐ ᑭ ᑭᐢᑭᓄᐊᒪᓱᐤ᙮ ᐊᐧᐊ ᓇᐯᐤ ᐅᐣᑌᕆᐅ ᐃᐡᑯᑌᐧᐃ ᐊᑐᐢᑫᐧᐃᓂᐠ ᑭ ᐃᔑ ᐊᐸᑎᓯᐤ 31 ᐱᐳᐧᓇ ᐃᓂᑯᐠ ᐁ ᑭᓇᓇᑲᒋᑕᐟ ᑲ ᐃᔑ ᐃᑕᐧᑲᓂᓂᑭ ᐃᐡᑯᑌᐧᐃ ᐁᐣᒋᓂᑲᒥᐧᑲ ᒥᓯᐧᐁ ᑕᑐ ᑲ ᐃᑕᐧᑲᓂᓂᑭ ᐅᐅ ᐢᑌᔑᓇ ᓀᐢᑕ ᐯᐡᑭᐡ ᐧᐊᐱᓯᐠ ᐁ ᑭ ᐊᐸᑎᓯᐟ ᐁᑭᓇᓇᑲᒋᑕᐟ ᒪᓯᓇᐃᑲᓇ ᐃᓂᑯᐠ ᑲ ᐊᑎ ᐃᐢᐸᓂᓂᒋ ᔓᓂᔭᓇ ᐱᔭᑯ ᐱᐳᐣ ᐃᑌᑫ᙮ ᐊᔕᔾ ᒪᑲ ᑭᐳᓂᐁᑕᐤ ᐁᑲ ᐊᐸᑎᓯᐟ 2005᙮

ᐸᑦ ᑌᐟᓗᕐ ᐅᑭᒪᐤ

ᒧᐊᐠ ᐅᒋᐤ ᐊᐧᐊ ᐸᑦ ᓀᐢᑕ ᐊᔭᒥᐁ ᐊᑐᐢᑫᐧᐃᓂᐠ ᑭ ᐃᔑ ᐊᐸᑎᓯᐤ ᐊᐣᐠᓕᑲᐣ ᐊᔭᒥᐁᐧᐃᓂᐠ ᐃᔑ ᐊᔕᔾ ᒪᑲ ᓂᔓ ᐱᐳᐣ ᐅᒋ ᐧᐃᑕᐱᒣᐤ ᑲᓂᑲᓂᑲᑕᒥᓂᒋ ᑭᐢᑭᓄᐊᒪᑫᐧᐃᓂᓂᐤ᙮

 

ᐁᑊᐁᐣᑎᐁᐣ ᑲᓂᑲᓇᐱᒋᐠ

ᒧᔐ ᐊᑐᐢᑫᐧᐃᐣ ᑫ ᑭ ᐃᔑ ᐧᐁᒋᐃᑯᐟ ᐊᐧᐁᓇ

ᐅᑯ ᑲᓂᑲᓇᐱᒋᐠ ᓇᓇᑕᐧᐊᐸᒣᐧᐊᐠ ᐊᐧᐁᓂᑲᓇ ᑫ ᑭ ᒥᐧᓀᓂᑕᒥᓂᒋ ᑲᓴᑭᑕᓂᒋ ᑭᐢᑭᓄᐊᒪᑫᐧᐃᓂᓂᐤ ᑭᒋ ᑭ ᐊᔑᒋᓂᒋ ᐅᑕ ᐁ ᐊᐸᑎᓯᐢᑕᒪᒥᒋ ᐃᓂᓂᐧᐊ ᐅᑎᑕᐧᐃᓂᐧᐊᐠ᙮

ᐁᑊᐁᐣᑎᐁᐣ ᑲᐧᐃᑐᑕᐠ:
ᑭᒋ ᑭ ᐊᑎ ᒥᓯᐧᐁ ᐅᒋᐢᑕᒪᑲᓂᐧᐊᐠ ᑭᐢᑭᓄᐊᒪᑫᐧᐃᐣ ᐃᓂᓂᐧᐃ ᑲᐡᑭᐅᐧᐃᓂᐠ ᑫ ᑭ ᐅᒋ ᒥᓄᐸᓂᒋᐠ ᐅᑭᐢᑭᓄᐊᒪᓱᐧᐊᐠ ᐅᑎᑕᐧᐃᓂᐧᐊᐠ ᑲ ᐃᔑ ᐃᑕᒋᐠ᙮

ᐯᒋ ᒪᓯᓇᐊᒪᐧᐃᓇᐣ:

  • ᐃᓂᓂᐧᐊᐠ ᑲᓇᐧᐊᐸᑕᐧᒪᐠ ᓇ ᑫᐧᑲᓇ ᑲ ᑭᐢᑌᓂᑕᑭᐠ ᐅᑎᑕᐢᑲᓀᓯᐧᐃᓂᐧᐊᐠ

  • ᓂᑲᒥᐧᓀᓂᑌᑕᐣ ᑭᒋ ᐅᒋᐢᑕᒪᑫᔭᐠ ᐊᐸᑎᓯᐧᐃᓇ ᑲ ᐃᔑ ᕆᐯᓂᑕᒪᐠ ᐅᐅ ᑫᐧᑲᓇ

  • ᑭᒋ ᐊᔭᐟ ᐊᐧᐁᓂᑲᐣ ᑲ ᑭ ᑭᐢᑭᓄᐊᒪᓱᐟ ᒥᓯᐧᐁ ᑫᐧᑲᐣ ᑲ ᐅᒋ ᐊᐸᑎᓯᑲᒋᑲᑌᓂᐠ ᔓᓂᔭᓂᐠ ᓀᐢᑕ ᐃᑌᑫ

  • ᓀᐢᑕ ᒪᑲ 18 ᑕᑐᐱᐳᓀᓯᑌ