HomeEmailContact FacebookTwitterYoutubeLinkedIn

View Page In:

ᑭᔐᔭᐊᐧᐊᐠ ᓀᐢᑕ ᐊᐧᐊᔑᔕᐠ ᐊᑐᐢᑫᐧᐃᐣ

ᐊᐧᐊᔑᔕᐠ ᑎᐸᐢᑯᓂᑫᐧᐃ ᐊᑐᐢᑫᐧᐃᐣ

ᐊᐧᐊᔑᔑᐧᐃ ᑎᐸᐢᑯᓂᑫᐧᐃ ᐊᑐᐢᑫᐧᐃᐣ ᑲ ᑭᑭᐸᓂᐠ ᒪᒪᐤ ᐧᐁᒥᐢᑎᑯᔑᐠ ᐃᑌᑫ 12 ᓀᐢᑕ 17 ᑲᑕᑐᐱᐳᓀᓯᒋᐠ᙮ ᐧᐃᒋᐊᑲᓂᐧᐊᐧᓇᐠ ᐁᒪᒪᓂᒋᐠ ᐁᓯᑐᐡᑲᒋᐠ᙮ ᑕᑐ ᐊᓂᑭ ᑫᐧᑲᓇ ᑲ ᑭ ᐊᑯᐃᑯᒋᐠ ᒪᒪᓂᐧᐃᓂᐠ ᐃᑌᑫ ᐅᒪ ᒪᐧᑲ ᐃᔑ ᐧᐃᒋᐃᐧᐁᒪᑲᐣ ᐅᒪ ᐊᑐᐢᑫᐧᐃᐣ ᓇᐃ ᐱᑯ ᐃᑕᐢᑯᓇᑲᓂᐧᐊᐣ ᐊᐧᐁᓇ᙮

ᑭᔐᐊᔭᐧᐃ ᐃᑕᐢᑯᓂᑫᐧᐃᐣ

ᑕᑐ ᐊᐧᐁᓂᑲᐣ ᑲᑎᐸᐢᑯᓂᐟ ᐁ ᐃᓂᓂᐧᐃᐟ ᐅᑕ ᑎᐸᐢᑯᓂᑫᐧᐃᓂᐠ ᐃᓂᓂᐤ ᐊᔭᐡᑭᒣᐤ ᐁ ᑭᔐᔭᐊᐧᐃᒋᐠ᙮ ᐅᒪ ᐊᑐᐢᑫᐧᐃᓂᓂᐤ ᑲᑕ ᑭᐧᐃᒋᐃᑯᐧᐊᐠ ᑫᑕᔑᒋᐠ ᐅᑎ ᑕᑐ ᑫ ᑭ ᓇᐃᐸᓂᓂᐠ ᑭᒋ ᑭ ᐊᐸᒋᑕᒋᐠ ᐅᒪ ᑐᐧᐃ ᑎᐸᐢᑯᓂᑫᐧᐃᓂᓂᐤ᙮ ᑕᐣᑌ ᑫ ᐃᔑ ᑲᓇᐧᐊᐸᒥᐟ ᐁ ᐃᓂᓂᐧᐃᐟ᙮ ᑫᑐᑕᑭᐠ ᐱᑯ ᐊᓂᑭ ᑎᐸᐢᑯᓂᑫᐧᐃᓂᓂᐤ ᑲᓇᓇᑲᒋᑕᒋᐠ᙮ ᐅᑎᑕᐧᐃᓂᐧᐊᐠ ᑲ ᐃᔑ ᐅᓇᐢᑯᓂᒋᐠ ᓀᐢᑕ ᒪᑲ ᐧᐃᔭᐸᒋᐧᑕᐧᑕᐧᐁ ᐃᓂᓂᐧᐊ ᑲ ᐊᔭᒥᐁᐧᐃᓂᒋ ᑲᑭᓂᐧᑲᓇᐱᓇᓂᐧᐊᐠ ᑐᐧᐃᑲᐣ᙮

ᐱᑐᐡ ᑲ ᐃᑕᑭᒥᐟ

ᐅᒪ ᑎᐸᐢᑯᓂᑫᐧᐃ ᐊᑐᐢᑫᐧᐃᐣ ᑲᑭᓂᐧᑲᓇᐱᓇᓂᐧᐊᐠ ᐅᒪ ᑐᐧᐃ ᐊᔭᒥᐃᑐᐧᐃᐣ ᒥᓄᐸᓂᐤ ᐅᒪ ᐁᑐᒋᑲᑌᐠ ᐅᒪ ᐊᑐᐢᑫᐧᐃᐣ ᐁ ᐊᐸᒋᑕᓂᐧᐊᐠ᙮ ᐅᐅ ᒪᑲ ᑲ ᑭᑭᓂᑲᑌᑭ᙮

  • ᐁᑲᓇᐧᐊᐸᒥᐟ ᑲᑭᒪᓀᓂᒥᐟ

  • ᑭᒋᓇᐃᐸᓂᐟ ᑭᒋ ᑭᐊᔭᒥᐟ ᑲᔭᑕᒣᓂᒥᐟ

  • ᒪᒪᐤ ᐧᐃᒋᐃᐧᐁᐧᐃᐣ

  • ᑫᐧᑲᐣ ᑲ ᐅᒋ ᐸᓂᐠ ᐁᒥᓄᐸᓂᐠ ᑕᑐ ᐯᐯᔭᐠ ᐊᐧᐁᓇ ᐅᒋ

  • ᐁ ᐊᑎ ᐳᓀᓂᒋᑲᑌᐠ ᓀᐢᑕ ᑭᒋ ᑭᐸᐃᑲᑌᐠ ᑫᐧᑲᐣ

  • ᐯᐯᔭᐠ ᐅᒋ ᐁᑐᒋᑲᑌᐠ

  • ᐁᑲ ᑭᒋ ᐊᓂᒧᒋᑲᑌᐠ

  • ᐃᓂᓂᐧᐃ ᐃᑕᐢᑲᓀᓯᐧᐃᐣ ᐁᒪᓇᒋᑕᓂᐧᐊᐠ

  • ᐁᐢᐸᓂᐃᑯᓇᓂᐧᐊᐠ

ᑫᐧᑲᐣ ᐊᓂᒪ ᑲᓚᑐ?

ᐅᒪ ᑲᓚᑐ ᐃᓂᓂᐧᐊᐠ ᐅᒋ ᐁᒪᓯᓇᑌᐠ ᑲ ᑭ ᐃᔑ ᐱᐢᑭᑕᓯᓇᐃᑲᑌᐠ 718.2 ᑎᐸᐢᑯᓂᑫᐧᐃ ᒪᓯᓇᐃᑲᓂᐠ ᐁ ᐃᔑ ᐱᓴᓯᓇᑌᐠ 32 ᐊᐧᐊᔑᔕᐠ ᐅᒋ᙮

ᑲᓚᑐ ᐊᐸᑕᐣ ᐅᒪ ᐅᓇᔓᐧᐁᐧᐃᐣ ᐁ ᐅᓇᑭᑕᒪᐟ ᐃᓂᓂᐤ ᑎᐸᐢᑯᓂᑫᐧᐃᓂᐠ ᓀᐢᑕ ᓇᓇᑲᒋᑕᓂᐧᐊᐣ ᐁᑲ ᑭᒋ ᐊᔑᒋᐸᓂᐠ ᓀᓯᑐᒣᓂᒥᑐᐧᐃᐣ ᐁ ᐃᓂᓂᐧᐃᐟ ᐅᒋ ᐊᐧᐁᓇ ᑲ ᐃᔑ ᐃᑕᑭᑕᒪᐟ ᒪᑲ ᑲ ᐃᐢᐱᑎᓂᐧᑲᓂᓂᐠ ᐱᑯ ᐅᒪᒪᓂᐧᐃᐣ ᑐᑕᐧᐊᑲᓂᐧᐊᐣ ᐁ ᐅᓇᑭᑕᒪᐟ ᐁᑎᐸᐢᑯᓂᐟ ᐁᐧᑲᓂ ᐧᐁᒋ ᐊᐸᑕᐠ ᑲᓚᑐ ᐅᓇᔕᐧᐁᐧᐃᐣ ᑲ ᐊᐸᒋᑕᒋᐠ ᐅᐅᒪᑎᐸᐢᑯᓂᑫᓯᐧᐊᐠ ᐁ ᐅᓇᑭᑕᒪᐧᐊᒋᐠ ᐃᓂᓂᐧᐊ ᑲᑎᐸᐢᑯᓇᒋᐠ᙮

ᑲᓚᑐ ᑲᒪᓯᓇᐊᐠ

ᐧᐃᓇ ᐅᓇᓯᓇᐊᑦ ᐅᐅ ᑲ ᑭᔐᔭᐊᐧᐃᓂᒋ ᐅᒋ ᓀᐢᑕ ᐅᐡᑲᑎᓴ ᒪᐧᐊᐨ ᒪᑲ ᐅᐅ ᓂᑲᓂᒪᑲᐧᓇ ᑎᐸᐢᑯᓂᑫᐧᐃᓂᐠ ᐁᑎᐸᐢᑯᓂᐟ ᐃᓂᓂᐤ᙮ ᐊᓇ ᒪᑲ ᑲ ᐅᑭᒪᐧᐃᐟ ᓂᓯᑐᑕᑦ ᐅᐅ ᑫᐧᑲᓇ ᑲᒪᓯᓇᑌᓂᑭ ᐅᑕ᙮ ᐊᓇ ᒪᑲ ᑲ ᐅᓇᓯᓇᐊᐠ ᐧᐃᓇ ᓂᓯᑐᑕᑦ ᐁᐢᐱᑎᓂᐧᑲᓂᓂᑭ ᐅᐅ ᑫ ᐃᑕᐢᑯᓂᑲᓂᐧᐊᓂᓂᐠ ᐃᓂᓂᐧᐊ ᐃᐢᐱ ᐁᐅᓇᑭᑕᒥᒪᑲᓂᐧᐃᓂᒋ᙮

ᐃᑕᐧᑲᐧᓇ ᑭᐡᐧᑲ ᑲᑎᐸᑐᒋᑲᑌᑭ ᑎᐸᒋᒧᐧᐃᓇ ᑎᐸᐢᑯᓂᑫᐧᐃᐣ ᐅᒋ᙮

ᑲᓚᑐ ᑲᓇᓇᑲᒋᑕᐟ ᑭᐡᐧᑲ

ᐧᐃᓇ ᐃᑌᓂᑕᑯᓯᐤ ᑭᒋ ᓇᓇᑲᒋᑕᐟ ᐧᐃᓇ ᓀᐢᑕ ᑲᑕ ᑎᐯᓂᑕᑦ ᐧᐃᓇ ᑭᒋ ᐅᑭᒪᑲᑕᐠ ᐃᓂᓂᐧᐠ ᐃᑌᑫ᙮ ᐧᐃᓇ ᓀᐢᑕ ᑲᑕ ᐧᐃᑕᑦ ᑲ ᐃᔑ ᒧᐢᑌᔦᓂᑕᐠ ᑫᑐᒋᑲᑌᓂᐠ ᐧᐃᓇ ᒥᓯᐧᐁ ᑲᑕ ᒪᓯᓇᐊᑦ ᑫ ᐃᔑ ᑕᐧᐁᓂᑕᐠ ᑫ ᐃᔑ ᑲᓇᐧᐊᐸᒋᑲᑌᓂᐠ ᐊᓂᒣᓂᐤ ᑲᑎᐸᐢᑯᓂᑲᑌᓂᐠ᙮

ᐃᓂᓂᐤ/ ᐧᐁᒥᐢᑎᑯᔑᑲᐣ /ᐃᓂᐧᐃᐟ ᑲ ᐊᐸᑎᓯᐟ ᑎᐸᐢᑯᓂᑫᐧᐃᓂᐠ ᐅᐅ ᐅᒋ

ᐊᐧᐊ ᐊᐸᒋᐊᑲᐣ ᑎᐸᐢᑯᓂᑫᐧᐃᑲᒥᑯᐠ ᐁᓇᓇᑲᒋᐊᐟ ᑲᒪᒪᓂᓂᒋ ᐃᓂᓂᐧᐊ ᑲ ᐅᓇᐢᑯᓂᒥᒋ ᓀᐢᑕ ᐁᐧᐊᐧᐃᒋᐊᐟ ᑭᒋ ᑭᐢᑫᓂᑕᒥᓂᒋ ᐁᑐᒋᑲᑌᓂᐠ ᑎᐸᐢᑯᓂᑫᐧᐃᓂᐠ ᐁᐧᑲᓂ ᐁᑕᐸᑎᓯᐟ ᐊᐧᐊ ᐊᐸᒋᐊᑲᐣ ᑲ ᐊᐸᒋᐃᐟ ᐱᒋ ᑎᐸᐢᑯᓂᑫᐧᐃᑲᒥᑯᐠ᙮